2008年新年快樂!2007年都過得OK.搵到份工,有班好同事,自己同父母身體無恙,好好0架啦!
最開心就是看見HAIRSPAY既出現,ONLY它,都HAPPY 兩,三個月啦
新既一年係咪應該開新一個BLOG 呢?> 考慮中.我唔想用WORDPRESS 啦,板面又多局限,好多PLUGIN IN都無支援WORDPRESS(而家係多左0的,但成日都遲過人). 有時見人地0的BLOG 又整齊,又靚,真係非常之唔想用WORDPRESS啦…我覺得DONALD 兄的BLOGSPOT 幾好,會諗諗吧!
其實我自己係一個無咩心機去其他BLOG留言,或者點CLICK 其他BLOG令人地可以幫我積人氣既人,所以點CLICK 率的STATUS都頗少理,所以真的很佩服其他BLOG 友的毅力,寫BLOG真的是風雨不改.不過我相信2008年我會更加俾心機寫BLOG,總之過得到自己就得啦,同人比OR比人氣就很無謂.不過寫BLOG 令我開心的係有時會有0的意外的收獲,好似之前寫過台灣一個新人,她的官網大大SEARCH到我篇文章,都立即POST在她的官網中,仲有寫過幾篇舞台劇,女主角SEARCH到我,都有謝謝我跟POST在她的BLOG 上,幫到人又令自己開心,我諗這就是BLOG友們經營BLOG的動力吧!!!
聖誕睇左幾套戲,同一套舞台劇都無寫響BLOG ,原因係因為12月都幾忙,放工夜左,又要織咕0臣,又要煲劇,又要GATHERING,所以真係無咩心情寫,不過這幾天會補返.
祝各位新既一年身體健康,無煩腦
簡簡單單,開開心心過生活
每一日都精神奕奕,醒醒目目
股票升升升,中石油,中銀,工商升升升